undefined

تضامنًا مع مروة رخا ضد دور النشر الصفرا

Posted by عبسميع

كتاب مروة رخا (شجرة السم) مروة طرحته للتحميل مجانًا أعتراضًا منها علي تعامل دور النشر معنا ككتاب
بصراحة مطلقة لم أعاني بنفس الشكل مع ناشري، ولكني أتضامن معها نظرًا لما أراه وأعرفه يحدث لأصدقائي وزملائي وحالتها ليست بالحالة الوحيدة.
أنا أحيي مروة علي خطوتها الشجاعة، فالأمر حقيقة يتطلب شجاعة كبيرة نظرًا لأنها لوأرادت نشر كتاب أخر مستقبلاً.
وأنا أتضامن معها وأحييها بشدة
جروب الكتاب علي الفيس بوك
لتحميل كتاب مروة مجانًا

مقالة مروة رخا حول الفارق بين الناشر الجيد والناشر المصري والمطبعجي

الناشر المحترم

يختار الكاتب بعناية لان اسمه من اسم اصداراته

يدفع للكاتب لا مؤاخذة دفعة مقدمة للتعاقد

يمضى مع الكاتب عقد 3 كتب على الاقل مع دفع مقدماتهم

عنده مراجعين لغويين

عنده مصممين اغلفة و قسم كامل للاخراج

عنده لا مؤاخذة برده اسطول توزيع داخل و خارج الجمهورية

عنده قسم للعلاقات العامة لتنسيق حفلات التوقيع و جولات خارج و داخل البلد ... ناس شغلتها صناعة البيست سيلر

عنده قسم تسويق فاهم يعنى ايه ترويج و يعنى ايه دعاية و يعنى ايه اعلان (على فكرة .. كل كلمة من دول لها دور خاص فى نجاح العملية التسويقية)

عنده كمان بقى ناس بترد على التليفون و بتتابع مع الكاتب خطوة بخطوة

الكاتب بياخد نسبة من المبيعات

المطبعجى

بيطبع عدد من النسخ بعضها صالح و بعضها يتلف فيه سندوتشات بس بيحاول يدبس الزبون علشان البيزنس

الناشر المصري

ابجنى تجدنى .. احيانا

بيطبع عدد من النسخ بعضها صالح و بعضها يتلف فيه سندوتشات بس بيحاول يدبس الزبون علشان البيزنس - الكاتب عمره ما هيعرف طبع كام و وزع كام و باع كام

عنده صديق متطوع بالمراجعة اللغوية و مواطن منصوب عليه للتصميم و هو بنفسه بيظبط الفايل على الكمبيوتر و دمتم

التوزيع الجامد جدا ... مكتبة البلد و حنين و عمر بوك ستور .. و احيانا بوكس اند بينز فى المنصورة و معروف و ارت بوك سنتر فى اسكندرية

ديوان و فيرجين و الشروق و كتب خان و فوليوم وان و الجامعة الامريكية ... كل كاتب و اجتهاده

حفلة توقيع حيلة علشان يفرح فيها الكاتب و يجيب اصحابه يعمل قدامهم منظر

التسويق على مسؤوليه الكاتب

التليفون مش بيرد

مبروك .. بقى اسمك كاتب و ابقى قابلنى لو لقيت نسخة لكتابك فى اى حتة

وعود ثم وعو ثم ورود ثم جزمة فى بقك ايها الكاتب الهمام

3 قول رأيك يا عمونا »

undefined

حاجات غريبة

Posted by عبسميع

سؤال دايمًا بسأله لنفسي لما الاقي نفسي لوحدي في اتجاه وباقي البشر في اتجاه تاني خالص.. هو أنا صح؟
دايمًا بتسيطر عليا ثقافة القطيع وهوب الاقيني مشيت مع الناس.. ومبتعلمش دايمًا من الموقف اللي حصل معايا لما كنت في ابتدائي وكان عندنا حصة فاضية والمدرس قالنا روحوا 2/1 كل العيال جريت علي 2/3 وانا الوحيد اللي جريت علي 2/1 الغريب بقي اني بعد ما روحت رجعت تاني ومشيت مع العيال رغم ان المدرس جه زعق بعد كده..

عمري ما اتعلمت الدرس ده ودايمًا أرجع في كل مرة رغم اني ببقي واثق ان طريقي صح.

تغيرات كتيرة مكنتش عاوزها حصلت في حياتي بسبب القرارات دي، ومحدش بيضربني علي إيدي كله علي عينك يا تاجر وبيبقي قراري بتاعي كده.

دي حاجة غريبة عندي مش عارف عند باقي الناس ولا لأ

تاني حاجة غريبة برضه بتحصلي هي أفكاري اللي بلاقيها بتتنفذ بس مش انا اللي بنفذها.

أقعد مع الشخص من دول أقوله فكرة مشروع بحلم بيه فكرة حاجة عاوز انفذها.. بس مش عارف لأي سبب من الأسباب أو بحاول أنفذها بس في عوائق .. شوية ألاقيه عملها ونجحت..

تفتكروا كانت هتنجح لو أنا اللي كنت نفذتها.

تالت حاجة غريبة

ليه دايمًا في رمضان رغم إن الشياطين بتسلسل كل الأفكار الغريبة والغير عادية بتيجي، ليه الدنيا بتبقي سهلة وتلاقي قدامك كل الحاجات الحرام سهلة ودماغك بتفكر في حاجات غريبة.

هي النفس بتاعتنا وحشة للدرجة دي، الشياطين كانت محجماها ولا إيه ولما اتسلسلت بقي خدت راحتها واتفردت..

دي شوية حاجات غريبة محيراني

1 قول رأيك يا عمونا »

undefined

أخبار جديدة.. وبعض الوعود

Posted by عبسميع

شوية أخبار علي السريع

أول خبر المجموعة بحمد لله دلوقتي مغرقة السوق اللي عاوزاها يدور ولو ملقهاش يقلي وأنا ابعتهاله دريفري لحد البيت مع حاسب أجرة السواق

تاني خبر إني بذات نفسيتي طلعت علي قناة النيل الثقافية في برنامج أجندة واللي عاوز يشوفني هيلاقيني هنا

3 قول رأيك يا عمونا »

undefined

شوية أخبار عني بقي

Posted by عبسميع

بما أني رجعت المدونة تاني فأنا عندي خبر المفروض انه كويس يعني

مجموعتي القصصية الأولي في هتصدر خلال أيام

(منتهي الصلاحية)

هي مجموعتي القصصية الأوي، واللي أتمني أنها تقول حاجة من الكلام الكتير اللي عاوز أقوله

المجموعة دي حلم من أحلام حياتي واتمني انها تبقي علي المستوي المطلوب

ودا طبعًا غلاف المجموعة، في ناس شايفاه حلو جدًا وناس تانية شايفه كارثة علي كل المستويات

تحياتي للجميع

عبسميع

8 قول رأيك يا عمونا »

undefined

ورجعنا تاني

Posted by عبسميع

وبعد ضغط جماهيري كبير من ناس بعزها جدًا
قررت أرجع المدونة تاني بشكل واستايل جديد عشان محدش يزعل
المدونة القديمة بموضوعاتها رحلت للأبد ومش هترجع تاني لكن علي انقاضها أنا عملت المدونة دي وهي اللي هتستمر الفترة الجاية ان شاء الله إن مهافنيش عقلي تاني وقفلت المدونة ولا حاجة

يالا يا جماعة تحياتي ليكم كلكم أديني رجعتلكم تاني

محمد عبد السميع

4 قول رأيك يا عمونا »

undefined